Detenshon pa violashon di lei di arma di kandela.
KOMUNIKADO DI PRENSA 223 / 2020
2 yüni 2020
Detenshon pa violashon di lei di arma di kandela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 1 yüni 2020 alrededor di 17.18’or, Sentral di Polis a risibí notifikashon ku den
bisindario di un snèk den área di Berg Altena tin un hòmber ku ta den posishon di un
arma di kandela.
Un unidat di polis ku a bai na e sitio no a topa ku e vehíkulo den kua e hòmber ku
arma tabata. Mesora polis a kuminsá ku un búskeda den e área i den Bergstraat a
señalá e vehíkulo stashoná. Polis a aserká un grupo di persona ku tabata pará na e
vehíkulo pa tene un kontrol.
E unidat a nota ku un di e hòmbernan aki a benta un arma di kandela den un kurá i a
kuminsá kore pa bai for di e sitio.
A kuminsá ku un persiguishon na pia tras di sospechoso i a logra detené e hòmber
N.Q.C.M. nasé na Kòrsou di 20 aña di edat. Polis a konfiská un arma di kandela ku
un ratu promé e sospechoso a tira den e kurá i tambe e vehíkulo pa mas
investigashon.
A presentá e sospechoso dilanti di un Fiskal Ouksiliar ku a ordená su enkarselamentu
pendiente di mas investigashon.
