Plasa bieu ta forma parti di nos ekonomía lokal i tá tambe un balor turístiko i historiko di Kòrsou. Pues nos plasa tei pa keda.

Plasa bieu ta forma parti di nos ekonomía lokal i tá tambe un balor turístiko i historiko di Kòrsou. Pues nos plasa tei pa keda.

Minister Steven Martina  ayera a sinta huntu ku fundashon marshe pa skucha e diferente problemanan ku e fundashon ta enkontrando. Sra Roxanne de Leeuw, direktor di fundashon di Marshe kende a bin ta hasi un tremendo trabou pa elevá nos marshe i tambe plasa bieu den sentro di siudat, pero tambe e  diferente otro marshenan ku ta kai bou di su responsabilidat. Tambe fundashon marshe ta okupá su mes pa organisá e diferente aktividatnan sosial, kultural  rondó di marshe pa asina stimulá empresarionan chikí.

 Huntu ku e presidente komisario a sinta i splika Minister Martina e problemanan ku pa algun tempu kaba Fundashon Marshe tabata enkontrá. E problemanan sigur a empeorá pa motibu di e Covid ku ku a asotá Kòrsou i mundu kompleto. No tabatin moveshon mas rondo di marshe.

Mester bisa ku fundashon marshe ta drai solamente riba entrada di hür di e diferente personan ku tin sea un restorant òf ta bende kualke otro produktonan den nos marshe nobo. Pues ku otro palabra, e fundashon no ta risibiendo supsidio di Gobièrnu.

Minister Martina mesora a tuma e pasonan nesesario pa asina garantIsá ku plasa bieu djaluna awor por habri bèk pa kliente di forma ku e negoshinan por kuminsá  bende atrobe i generá nan propio entrada.

Den e temporada difisil aki ku Kòrsou ta pasanado, nos mester sigur fasilitá  I enpoderá nos empresarionan chikí di forma ku nos  ekonomIa lokal por kuminsá  drai atrobe.  Nos plasa bieuw kaminda nos tur ta bai kumpra nos kumindanan típiko no por sufri bou di e sirkunstansia aktual.

Pues pa djaluna awor plasa ta habri bèk pa un i tur bai sinta i saboria di nan platonan tipiko.

This site uses Akismet to reduce spam. Learn how your comment data is processed.

error: Content is protected !!
%d bloggers like this: