KOMUNIKADO KUERPO POLISIAL KÒRSOU Polis ta atvertí pa aglomerashon riba kaminda i na sitionan públiko i priva.

KOMUNIKADO DI PRENSA 226 / 2020
6 yüni 2020
Polis ta atvertí pa aglomerashon riba kaminda i na sitionan públiko i priva.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den kuadro di de-eskalashon di medidanan, polis ta atvertí tur siudadano pa keda
mantené distansia sosial i evitá aglomerashon tantu na sitionan públiko i tambe
esnan priva.
Tantu for di unidatnan ku ta move riba kaya komo yamadanan ku ta drenta na e liña
917, por konkluí na diferente establesimentu pero tambe riba kamindanan públiko
manera entre otro den Saliña tin aglomerashon grandi di persona.
E mesun kos ta konta pa sitionan priva ku mester aktua ku e koutela nesesario.
Aparte di esei no ta teniendo kuenta tampoko ku e distansia sosial.
Un yamada un bia mas, pa tur hende yuda kuida nan mes i kuida otro, pasobra ainda
nos no a surpasá e rísiko di kontaminashon aki kompletamente.
Polis lo sigui aktua, pero no por ta tur kaminda na mes momentu i alabes mester
okupá su mes tambe ku kombatimentu di aktividatnan kriminal.
P’esei ta spera di kada siudadano ku nan lo asumí nan responsabilidat di manera ku
polis tin mas man liber pa duna servisio i protekshon riba otro terenonan den forma
di prevenshon i kaminda ta nesesario, represivo.
Kuerpo Polisial ta gradisí komunidat di antemano pa e koperashon aki.