Pronóstiko di tempu pa Kòrsou i bisindario bálido te djaluna mainta 06:00 o.l., 8 di yüni 2020.

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l., 8 di yüni 2020.
Kompilá: djadumingu 7 di yüni 2020, 05:00 o.l. (09:00 UTC).

Tempu: Levemente nublá i generalmente seku

Temperatura máksimo lo alkansá 32ºC i temperatura mínimo 27ºC.
Solo ta sali 06:10 i ta baha 18:59 o.l.

Bientu: Direkshon ost i moderá: forsa 3 te 4 (12 te 30 km/ora, 7 te 16 nudo). Ráfaga de bes en kuando bastante fuerte; forsa 5 (31 te 39 km/ora, 17 te 21 nudo).

Situashon general: Durante próksimo 24 ora no ta antisipá nubianan signifikante den nos region i un wer generalmente seku lo prevalesé. Tambe santu di Sahara lo oumentá un bes mas den nos region.

Kondishon di laman: Por lo general moderá ku altura di olanan entre 1 i 1.5 meter (3 i 5 pia).

Sistemanan signifikante di wer tropikal: Tormenta tropikal Cristobal tabata situá na parti sùit di e Golfo di México i ta sigui move den direkshon nort i ta aserkando e estado Merikano di Louisiana. Segun pronóstiko, e tormenta lo alkansá e estado aki den transkurso di djadumingu anochi. E tormenta no ta un menasa pa Kòrsou.

Fenómeno spesial: Ningun.

Perspektiva te djamars mainta: Shelu lo varia entre parsialmente nublá te momentunan ku basta nubia i wer lo sigui generalmente seku.

Meteorólogo: Correa.