Final di kurso pa familiarisa ku awa pa mucha di 3 i 4 aña ku Swim Club Orca a organisá.

 

DEPORTE

 

Willemstad, 29 di ougùstùs 2021

 

Final di kurso pa familiarisa ku awa pa mucha di 3 i 4 aña ku Swim Club Orca a organisá.

 

Djadumingu último na Pisina Enith Brigitha na SDK a terminá un kurso pa muchanan di 3 i 4 aña pa familiarisa ku awa, organisá pa Swim Club Orca Curaçao (Orca).

Ta hopi “great” pa mira kon kontentu e muchanan i nan mayornan tabata ora ku tur e muchanan a pasa na tèst ku éksito. Durashon di e kurso tabata 3 luna riba djasabra di 4’or pa 5’or di atardi i djadumingu di 10’or pa 11‘or di mainta, esta dos bia pa siman nan tabata haña instrukshon den forma di wega. For di kita miedu te ku bula for di e sprenplank di 1 meter e muchanan a siña serka e instruktornan di Orca.

 

Kabando e kurso aki no ta nifiká ku e muchanan sa landa, semper nan mester tin un “gordel” bisti i nan mester ta kompaña pa nan mayor (nan) ora nan ta kantu di un pisina òf laman.

 

Djadumingu 29 di ougùstùs 2021 e muchanan a risibí nan sertifikado komo prueba di a partisipá na e kurso pa familiarisa ku awa. Riba e pòtrèt por mira tur e muchanan ku a pasa nan tèst i kon kontentu nan tabata.

 

Dia 04 di sèptèmber 2021 lo kuminsá un kurso nobo pa muchanan di 3 i 4 aña pa familiarisa ku awa. Pa mas informashon pa e kurso di 4 di sèptèmber por yama sr. Vernon Toré na telefon +59995296586

 

 

Skibí pa:

 

 

Vernon Toré

Presidente di Orca

Tel: 529 6586

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: