Doño di United Petroleo Corporation a keda detené na Venezuela

United Petroleo Corporation a registrá na Panamá na luna di mart 2021 i a keda desolvé na november 2022. Durante e periodo kortiku aki e empresa a risibí di Pdvsa kontratonan pa komersialisá hidrocarburos pa kasi 500 miyon dolar. Di e montante aki a keda un debe na balor di 435 miyon dolar. Ku e sifranan aki e empresa deskonosí aki a kombertí su mes den un di e debedornan mas grandi di Pdvsa.

Rogers Ramírez Dorante, amigu i kompañero di promoshon di Antonio Pérez Suárez, tur dos ta militar i nan tur dos ta detení den e trama Pdvsa-Cripto.

28 di september e petrolero Colón, ku bandera di Togo, a deskargá 600 mil barí di fuel oil na e terminal di Bullenbaai, ku ta funshoná pa e refineria estatal di Kòrsou den asosashon ku impresa Caribbean Petroleum Refinery, propiedat di dos siudadano venezolano – estadounidense ku dòbel nashonalidat.