Minister Croes di bishita na St. Jozef VSBO den kuadro di Dia di Alumno

 

Minister Croes di bishita na St. Jozef VSBO den kuadro di Dia di Alumno

Geplaatst op 21 January 2021 dor di Ministerio Enseñansa, Siensia, Kultura & Deporte

WILLEMSTAD – Dia di Alumno a keda instituí dia 21 di yanüari 2008 i na honor di alumno Endrew Isabella. Riba e fecha natal di Endrew Isabella, Minister di Enseñansa, Siensia, Kultura i Deporte (ESKD) sr. Steven Croes den kompania di e alumno su mama, sra. Ingrid Isabella-Ipatia, a hasi bishita na Sint Jozef VSBO kaminda Endrew tabata bai skol.

Endrew Isabella ta un alumno ehemplar di St. Jozef VSBO ku semper a sa di destaká den tur lokual ku el a hasi. Endrew tabata un hóben ku apesar di su malesa króniko, semper a mantené perseveransha, positivismo i determinashon. Lamentablemente Endrew a pèrde e bataya kontra su malesa 11 aña pasá, pero te awe nos ta rekordá lokual el a nifiká pa hopi hóben. Pa e motibu akí, nos ta keda konmemor’é tur aña di un forma speshal riba 21 di yanüari.

Durante di e bishita na e skol, a tene un reunion ku konseho di alumno kaminda nan a deliberá riba deferente punto di preokupashon di e studiantenan pa ku enseñansa. Minister a bai na departamento di inovashon i enseñansa kaminda a tene un demostrashon di e proyektonan ku tin andando Na mes momentu a tene un seshon di grabashon/produkshon den e skol su media room.

Durante di e mainta sra. Ingrid Isabella-Ipatia tambe a duna un tremendo spich di motivashon na e alumnonan i a duna kada alumno un bòter di “handsanitizer” komo rekuerdo, huntu ku un di e dichonan di Endrew ku ta bisa: NEVER GIVE UP, NEVER LOOK BACK. Mi ta den gran forma … Abo awó? Alumno Detickson Ellensburg a deklamá un poema pa Minister i finalmente Minister a entregá un bunita sertifikado di apresio na alumno Michelle Rosario Agudelo ku a destaká durante aña.

Ministerio di Enseñansa, Siensia, Kultura i Deporte por mira bèk riba un mainta eksitoso i alabes ta felisitá tur alumno di Kòrsou ku e dia akí. E mensahe importante na tur alumno riba e dia di awe ta pa nunka entregá. Sigui ku perserveransia pa logra bo metanan, meskos ku alumno Endrew  Isabella a logra su metanan apesar di su malesa!

**Riba e fotonan athunto por tuma nota di e bishita na e skol di VSBO:

 

Pa mas informashon por bishita facebook di MInisterio di ESKD: Fotonan bishita na Sint Jozef VSBO dia 21 yan. 2021

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: