CBCS ta designá dos curator temporal den ACU

Willemstad/Philipsburg – Durante un reunion general, e miembronan di e Kooperativa di Spar i
Krédito ACU a vota pa un struktura nobo di governance. E struktura nobo di governance ta permití pa
salvaguardá e interesnan di e miembronan di ACU mihó.
Entre tantu, e proseso pa yega na e struktura nobo di maneho a enfrentá retraso. Pa aselerá e
implementashon, Centrale Bank van Curaçao en Sint Maarten (CBCS) a designá dos curator
temporal den ACU pa asistí e direktiva ku implementashon di e struktura nobo di governance riba
término kòrtiku. E direktiva aktual di ACU ta keda den funshon.
Ambos curator asigná ta eksperto eksterno ku konosementu di ACU. Mirando nan eksperensia i
ekspertisio, nan lo asistí direktiva di ACU riba otro áreanan komersial tambe si tin mester.

Willemstad, 9 di yüni, 2020

CENTRALE BANK VAN CURAÇAO EN SINT MAARTEN