Hibando un maneho pa reduci e transmicion di covid-19

Hibando un maneho pa reduci e transmicion di covid-19

Departamento di Salud Publico lo no tuma placa cash mas

ORANJESTAD, Aruba –10 juni 2020: Departamento di Salud Publico ta duna diferente servicio na comunidad, manera entre otro vacuna pa biahero, aplicacion of renobacion di certificado di salud (carchi berde) y mas.

Den pasado tur e servicionan aki por a wordo paga cu placa cash of via carchi di swipe. Pa motibo di covid-19 nos maneho a conose diferente cambio y uno di nan ta ensera cu clientenan lo no por paga mas cu placa cash. Pago di tur servicio mester sosode pa medio di carchi of swipe pa di e manera aki limita e intercambio di placa cash y e risco di transmicion di covid-19.