FFK KU PROGRAMA DI REKAPASITASHON PA MASAHISTANAN!

 

FFK KU PROGRAMA DI REKAPASITASHON PA MASAHISTANAN!

Djasabra, 6 di yüni último komishon médiko di FFK den pèrsona di dòkter Wallid Elhage a reuní ku un grupo di masahista áktivo den futbòl lokal. E reunion a tuma lugá riba aserkamentu di algun masahista ku a forma un grupo pa interkambiá den nan seno pa ku kontinuashon di futbòl lokal awor i despues di Covid-19.

Dòkter Wallid komo médiko di Federashon a reuní ku e grupo pa trata e punto di atenshon ariba menshoná i diferente otro punto mas. Na final di e reunion a yega na e konklushon ku lo mester bin ku un programa di rekapasitashon pa tur masahista, alsando tur na mesun nivel di konosementu. FFK, atraves di su komishon médiko lo trata pa eduká tur masahista dor di repasá e materia i pone na atenshon mekanismonan nobo ku ta kousa leshon sin pèrdè for di bista e aspektonan èkstra ku mester tene kuenta kuné den e ‘nòrmal nobo’. Lo sigui algun seshon mas di kua kada un lo tin un tópiko relatá ku futbòl. Djasabra, 13 di yüni binidero lo tin e di 2 seshon kaminda Sr. Valentino Chance, ku ta un instruktor di arbitro di FFK, lo reuní ku e grupo di masahista pa interkambiá i amplia riba e reglanan di futbòl ku masahistanan mester tin na konosementu spesialmente ora di subi tereno. Den futuro serkano komishon médiko di FFK lo reuní ku e paramedikonan boluntario di Krus Kòrá ku ta presente i ta apoyá e organisashon di FFK na partidonan di futbòl, pa ku e programa di kapasitashon i rekapasitashon di futbòl.

FFK ta gradisí tur masahista i paramediko pa nan gran aporte duná na nos futbòl!

 

11 yüni 2020

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: