Pronóstiko di tempu pa Kòrsou i bisindario bálido te djaweps mainta 06:00 o.l., 18 di yüni 2020.

 

 

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 18 di yüni 2020.
Kompilá: djárason 17 di yüni 2020, 05:00 o.l. (09:00 UTC).

Tempu: Por lo general levemente nublá i seku.

Temperatura máksimo lo alkansá 33ºC i temperatura mínimo 27ºC.
Solo ta sali 06:12 i ta baha 19:02 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general: Durante próksimo 24 ora no ta spera nubia signifikante riba nos region i un wer generalmente seku lo prevalesé. Sinembargo riba parti ost di área di Karibe tin un ola tropikal ta moviendo poko poko den direkshon west i por trese de bes en kuando nubianan ku posibel áwaseru den nos área den transkurso di djaweps. Mas aleu, un fluho di bientu moderá te basta fuerte lo kontinuá i por sòru pa kondishon di laman moderá te lokalmente un poko brutu.

Kondishon di laman: Moderá ku altura di olanan entre 1.5 te 2 meter (4 i 7 pia). E olanan di mas haltu lo ta na kostanan nort i ost.

Sistemanan signifikante di wer tropikal: Ningun.

Fenómeno spesial: Ningun.

Perspektiva te djabièrnè mainta: Shelu lo bira basta nublá ku un chèns pa awa kai.

Meteorólogo: Correa.