Un detenshon pa violensia relashonal, maltrato i intento di asesinato.

KOMUNIKADO DI PRENSA 236 / 2020
16 yüni 2020
Un detenshon pa violensia relashonal, maltrato i intento di asesinato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 15 di yüni 2020, alrededor di 22.38 or, Sentral di Polis a dirigí un unidat Polisial pa
un kas den área di Soemboe, unda un hòmber a maltratá su kasá i a hinka un yu.
Na yegada di e unidat na e sitio, el a topa ku e víktima na kas di un bisiña kaminda el a bai
buska yudansa. E víktima tabatin un hinká na e parti ariba di su pia banda robes ku tabata
sangra bastante.
Ambulans ku a presentá na e sitio a transportá e víktima pa C.M.C. pa risibí tratamentu
médiko.
For di un investigashon ku polis a hasi na e sitio a resultá ku un hòmber tabata maltratá su
kasá i un yu hòmber a bai pa intermediá.
Na e momento ei e tata a hink’é ku un opheto skèrpi manera ya menshoná. Despues di su
akto el a bandoná e sitio.
Djamars 16 di yüni 2020, alrededor di 03.10 or, e sospechoso I.A.D.P. di 50 aña nasé na
Kòrsou, a presentá na Warda di Reshèrshi pa e kaso ariba menshoná.
Despues di un interogashon el a keda detené pa maltrato, intento di asesinato ku arma,
insendio i a present’é dilanti di un fiskal ouksiliar ku a ordená su enkarselamentu pendiente
di mas investigashon.