EL TRIBUTO TA REAKSHONA RIBA PUBLIKASHON: El Tributo a tuma nota di un post di famia ku ta sirkulá riba Facebook. Nos ta lamentá ku ta duna informashon inkorekto i asina difamá nos kompania inhustamente

El Tributo a tuma nota di un post di famia ku ta sirkulá riba Facebook. Nos ta lamentá ku ta duna informashon inkorekto i asina difamá nos kompania inhustamente.

El Tributo pa motibu di privasidat lo no bai den detaye di e kaso spesífiko. Si nos kier informá ku nos maneho di kèlder ku a kaduká ta lo siguiente. Konforme kontrakt kliente mester notifiká El Tributo na momentu ku un kèlder ta bai kaduká i si e ta deseá di prolongá e kontrakt. No opstante ku kontrakt ta bisa esei El Tributo ta manda adelantá un karta “aangetekend” pa e kliente indikando ku e kèlder su periodo ta bai kaduká. Si despues di manda karta nos no haña reakshon paso e kliente no a bai buska e karta of e la kambia di adrès, El Tributo ta tuma kontakto ku e kliente via telefon i/o email (si tin). Na momentu ku ni via karta, telefòn òf email nos no logra drenta den kontakto ku e famia, mayoria biaha a transkurí mas ku e 1 aña, ta bai over konforme kontrakt na saka e defuntu for di e kèlder.

Doño di kèlder (ku no ta e persona ku a post riba Facebook) ta den kontakto ku El Tributo pa na un manera korekto atendé ku e situashon ku a surgi.