Santu di Sahara por okashoná molèster respiratorio i visual e dianan ku ta bini 

 

Santu di Sahara por okashoná molèster respiratorio i visual e dianan ku ta bini 

Willemstad – Kada aña di nobo, nos ta wòrdu konfrontá ku e fenómeno di santu di Sahara for di kontinente di Afrika. E santu aki ta un faktor importante den ekologia mundial komo ku e ta nutrie por ehèmpel Amazona ku fertilisante pero alabes ta influenshá kalidat di nos airu i por okashoná difikultat respiratorio leve serka sierto hende. Esaki komo ku huntu ku e santu (stòf) tin otro material orgániko i kímiko ku tambe ta sirkulá den airu. E material aki por hasi e alergia di un persona pió òf kousa síntoma di problema di respirashon. Aki algun prekoushon ku nos por tuma.

Personanan ku tin problema ku respirashon i alergia mester tuma e siguiente prekoushonnan durante e dianan ku tin e santu di Sahara riba Kòrsou:
• Keda mas tantu posibel paden den kas, ku bentana será.
• Si ta posibel evitá di uza fèn, paso esaki ta produsí koriente di airu ku ta plama e   
  partíkulanan rònt.
• Laba filternan di èrko di kas i di outo frekuentemente, si ta posibel, tur dia.
• Limpia muebelnan di kas ku un paña muhá pa kita stòf. Evitá di sakudí e paña pe
  no plama stòf.
• Si bo ta sufri di alergia, uza e remedinan anti-alérgiko ku dòkter a preskribí bo. 
• Tene bentana di outo será i uza èrko mas tantu ku ta posibel.

Pa mas informashon por tuma kontakto ku dòkter di kas.

This site uses Akismet to reduce spam. Learn how your comment data is processed.

error: Content is protected !!
%d bloggers like this: