ASUNTU DI SAKA DEFUNTU FOI KELDER SIN AVISA FAMIA A DEN KOMBERSASHON

Neny Domacasse ku H. Haile Direktor di El Tributo

ASUNTU DI SAKA DEFUNTU FOI KELDER SIN AVISA FAMIA A DEN KOMBERSASHON

Despues di nos publikashon di ayera tokante famia a bai santana pa bishita nan defuntu i topa ku e kelder a wordu habri i nan defuntunan a wordu saka for di kelder pa dera un otro defuntu den e kelder, i tambe nos a publika e reakshon (komunikado) di agensia funeraria El Tributo. Nos a haña reakshon serka Neny Domacasse ku ela enkontra ku sr. H. Haile direktor di El Tributo i nan a papia un ke otro i elabora riba kon e asuntunan a bai i tur dos banda a kompronde otro i planta pas ku otro. Tantu sr H. Haile a bisa sr Domacasse ku tabata posibel ku nan di El Tributo por a hasi mas esfuerso pa por a haña e famianan di e defuntu i no solamente esun ku ta enkarga ku e kelder (dor ku ta 3 defuntu tabata dera den e kelder) i tambe sr. Domacasse por a sigui buska mas kontakto ku personal of direktor di El Tributo pa por sa kon ta para ku e kelder ku su defuntu ta dera aden. Awe mainta net durante un entrevista ku un otro medio di komunikashon sr Domacasse tabata tin, el a bin topa ku e direktor H. Haile. E sr H. Haile mes a bai ku sr Domacasse pa e wak unda nan tabata ta tin su defuntu warda na momentu ku nan a saka e for di graf. Sr. Domacasse e momentu ei a sinti’e mas trankil i nan a papiando pa yega na un akuerdonan nobo pa ku e defuntunan ku a wordu saka foi nan graf, i nan lo tin kumpra un otro graf i kuminsa un otro kontrak nobo pa ku deramentu di nan famia. 

This site uses Akismet to reduce spam. Learn how your comment data is processed.

error: Content is protected !!
%d bloggers like this: