Parsialmente nublá i lo bai tin momentunan basta nublá ku algun yobida durante di dia.

• 

• 

• 

• 

Pronóstiko di tempu pa Kòrsou i bisindario bálido te djárason mainta 06:00 o.l., 8 di yüli 2020.

Kompilá:
djamars 7 di yüli 2020, 05:00 o.l. (09:00 UTC).

Tempu:
Parsialmente nublá i lo bai tin momentunan basta nublá ku algun yobida durante di dia.

Temperatura máksimo lo alkansá 31ºC i temperatura mínimo 25ºC.
Solo ta sali 06:17 i ta baha 19:05 o.l.

Bientu:
Direkshon ost i por lo general moderá; forsa 3 te 5 (12 te 39 km/ora, 7 te 21 nudo). Prinsipalmente den áwaseru, ráfaga de bes en kuando fuerte; forsa 6 (40 te 50 km/ora, 22 te 27 nudo).

Situashon general:
Un ola tropikal den region ta avansá wèst riba parti oriental di Laman Karibe. E airu húmedo e instabil ku ta kompañé por produsí algun yobida riba i rondó di nos isla. Ademas ta premirá ku e fluho di airu húmedo lo kontinuá te mitar di siman ku periódikamente algun áwaseru por lo ménos te djárason. Di otro un banda, bientu por lo general moderá lo prevalesé awe i esaki lo sòru pa laman sigui basta trankil.

Kondishon di laman:
Trankil te moderá ku altura di olanan serka di 1 pa 1.5 meter (3 pa 5 pia).

Sistemanan signifikante di wer tropikal:
Sistemanan signifikante di wer tropikal: Ningun.