Curaçao Lions club ta  instalá su direktiva nobo

Curaçao Lions club ta  instalá su direktiva nobo

 

WILLEMSTAD– Curaçao Lions Club ta instalá su direktiva pa aña 2020-2021. 

Den un seremonia adaptá na Landhuis Klein Kwartier pa motibu di distansiamentu sosial a instalá e miembronan di direktiva ku lo guia e club di servisio pa e aña nobo. 

 

Despues di 2 aña di presidensia, Mariela Romero a pasa e batuta over na e presidente nobo Angelo Hironimus ku lo sigui guia e club den e trabounan ku nan ta ehersé rumbo pa 75 aniversario. Ku e meta prinsipal pa sigui sirbi nos komunidat e anja aki banda di enfoka riba e proyektonan anual manera Duna E Mucha Un Man, Bon Bisiña, Peace Poster, Senior Citizens Day, e direktiva nobo tin e honor pa prepara pa 75 aniversario di Curacao Lions Club na febrüari 2021.  

 

Awor mas ku nunka ku e nesesidat riba nos isla ta kresiendo Curaçao Lions Club ta konvensí  ku e dos miembronan nobo ku a instala riba mesun anochi den persona di Raynni Jourdain i Jewel- Ann Melendez lo hasi un bon trabou huntu ku sobra 54 miembro.

 

Direktiva di Curaçao Lions Club 2020-2021 ta : Presidente Angelo Hironimus, Immediate Past President Mariela Romero, Secretary Melisa Arroyo, Treasurer Victor Libee ,1st vice president David Levy Maduro, 2nd  vice president Urving Pieter, Tamer/TailTwister Leo Lemmens, Membership director Soenita Gouri, Director Alexis Daou, Director Edsel Celestijn.

 

Curaçao, 13 di yüli 2020