Kenley Jansen ta rekuperá di Corona virus

Kenley Jansen ta rekuperá di Corona virus 
Ekipo Dodgers ta anunsiá ku Kenley Jansen ta kere ku e lo ta kla pa e temporada, despues ku el a test positivo pa COVID-19. Djadumingu Kenley Jansen a duna di konosé ku el a test positivo pa COVID-19 pero el a rekuperá i ta partisipá den e seshonnan di training. Durante e promé simannan di training, Kenley Jansen tabata un di e hungadónan ku mas a hasi falta i motibu di su ousensia no a keda revelá.Kenley a duna di konosé ku su yu hòmber tabata e promé miembro di su famia ku a test positivo, pero mientras tantu tur miembro di famia a rekuperá. Kenley a reanudá lansamentu i ta kere ku e lo ta kla pa picha na momentu ku e temporada retrasá di MLB kuminsá día 23 di yüli proksimo.