SOAW ta hasi un yamada na tur èks trahadó di Refineria di Kòrsou

 

SOAW ta hasi un yamada na tur èks trahadó di Refineria di Kòrsou

Geplaatst op 11 July 2020 dor di Ministerio Desaroyo Sosial, Labor i Bienestar

Willemstad – Sektor di Labor di Ministerio di Desaroyo Sosial, Labor i Bienestar (SOAW) ta hasi un yamada na tur persona ku a pèrdè trabou na CRU, esta e èks trahadónan ku tabata traha na refineria di Kòrsou, na un reunion riba dianan 14, 15 i 16 di yüli. SOAW lo duna informashon tokante kon i den di ki forma por yuda e trahadónan aki mediante e programa di sosten laboral.

Ta importante, teniendo kuenta ku tur eksigensianan di higiena i distansia sosial ligá ku COVID-19, pa reuní ku solamente 75 èks trahadó pareu den un edifisio. Konsekuentemente, e trahadónan lo haña un yamada den grupo di 75 persona dia 14, 15 i 16 di yüni pa akudí 10’or di mainta i 2’or di mèrdia.

E èks trahadónan lo haña e yamada di nan èks doño di trabou, esta CRU. CRU lo segmentá tur èks trahadó den grupo, dia i orario ku nan mester akudí pa haña informashon di Sektor di Labor di SOAW tokante e programa di Sosten Laboral.

This site uses Akismet to reduce spam. Learn how your comment data is processed.

error: Content is protected !!
%d bloggers like this: