Gobiernu di Aruba: Na Aeropuerto a detecta dos caso mas di Covid 19.

Na Aeropuerto a detecta dos caso mas di Covid 19.

Oranjestad; Juli 19, 2020. DVG ta informa cu dos caso mas di Covid 19 Corona virus a keda constata.

Ta trata aki di dos persona no residente cu a test positivo na nan yegada na Aeropuerto.

Ambos persona ta bon di salud y segun proceduranan indica pa e protocol nan tur dos a bay den isolacion. E total ta bira awor 10 caso activo di Covid 19 registra na Aruba.

DVG ta desea e pashentnan un pronto recuperacion.