Baha punto di agenda # 2 for di konvokashon di mayan 24 di yuli 2020

 

Sra. Presidente,

 

Frakshon di MFK a tuma nota di e konvokashon ku grefi a emití, pa un reunion públiko mayan 24 di yüli 2020.

 

Nos a tuma nota ku na punto di agènda # 2 lo trata;

 

“Deliberashon ku promé Minister enkuanto diferente aspektonan finansiero relashoná ku COVID-19 pa asina kita tur duda i pa garantisá komunidat integridat di gobiernu di Kòrsou i ku e ayudo di bèrdat ta yega serka esnan ku ta den mas nesesidat

 

Frakshon di MFK den su petishon a pidi e reunion aki ku karakter di urgensia konforme artíkulo 64 insiso 4 di Reglamento di Orden di Parlamento. Esaki ta nifiká ku e reunion aki mester a wòrdu yama den 4 biaha 24 ora.

 

Awe ya a transkurí 45 dia sin ku e reunion aki a wòrdu yama. Manera a bira kustumber presidente di Parlamento ta keda violá nos Reglamento di Orden i no ta yama e reunion nan konforme e tempu stipulá den Reglamento di Orden.

 

Pa medio di esaki frakshon di MFK ku a pidi e reunion aki, kier indiká na Presidente di Parlamento, pa baha e punto di agènda aki for di e konvokashon di mayan. Nos frakshon no ta interesá pa debatí riba e punto aki mas, debí ku ya ta konosí ku Gabinete Rhuggenaath no a atendé di forma korekto pa e sènnan yega serka esnan ku ta mas den nesesidat.

 

Komo konsekuensia di e forma inkorekto ku gabinete Rhuggenaath a atendé ku fondonan destiná pa esnan di ménos rekurso, awe Hulanda ke lanta un entidat pa garantisá ku sèn lo yega serka esnan den nesesidat.

 

Un biaha mas frakshon di MFK ta indiká na bo persona, pa baha e punto aki for di agènda. Asina promé Minister Rhuggenaath por husa su tempu pa atendé ku Hulanda riba e mal maneho di e fondonan ku mester a bai pa esnan den nesesidat i ku awe a pone ku pa falta di gabinete Rhuggenaath outonomia di Kòrsou ta na peliger.

 

Ademas gabinete Rhuggenaath no ta gosa di sostén di mayoría den Parlamento i bo persona komo presidente di Parlamento ta kopera pa un prome Minister sin sostén di mayoria konforme nos Areglo di Estado ta presnte den sala di Parlamento di Korsou.

 

G Pisas

Lider di

Frakshon di MFK

ReplyForward

This site uses Akismet to reduce spam. Learn how your comment data is processed.

error: Content is protected !!
%d bloggers like this: