Plachi di number ku ta desviá for di esun original

KOMUNIKADO DI PRENSA
281 / 2020
22 yüli 2020
Plachi di number ku ta desviá for di esun original
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Últimamente polis ta tumando nota ku tin diferente vehíkulo ku ta kore ku plachinan di
number ku ta diferente for di esun ku ofisina di impuesto ta entregá.
Ta trata aki di plachinan di number ku tamañonan sea mas chikí òf ku formanan diferente
for di esun original.
E numbernan aki ta wòrdu traha dor di e doñonan di outo, mayoria bia pa nan por pas
presis kaminda e plachi mester fit.
Otronan ta hasi esaki simplemente pa bunitesa òf pa keda diferente.
Polis ta alertá ku no ta permití pa pega otro plachi di number ni dilanti ni patras di bo
vehíkulo, ku no ta esun original ku bo a risibí di ofisina di impuesto.
Tur vehíkulo mester tin nan plachi di number na e parti kompletamente dilanti òf na e parti
kompletamente patras di e vehíkulo i no den winshil di e vehíkulo.
Tampoko ta permití pa pone ophetonan na e plachi di number ku ta redusí e visibilidat di e
plachi.
Tene na kuenta ku polis ta bai aktua kontra di e infrakshonnan aki.