Bienestar i seguridat di empleado i klientenan di Cpost International ta na promé lugá. Pa e motibu aki Cpost International ta tuma medidanan di prevenshon den kuadro di Corona Vírùs (COVID-19).

Bienestar i seguridat di empleado i klientenan di Cpost International ta na promé lugá. Pa e motibu aki Cpost International ta tuma medidanan di prevenshon den kuadro di Corona Vírùs (COVID-19).

 

Cpost International ta sigui desaroyonan en konekshon ku Corona Vírùs tantu na nivel internashonal i lokal. Den kuadro di esaki i siguiendo maneho di nos gobièrnu i outoridatnan médiko, Cpost tambe a tuma algun medida di prevenshon pa garantisá salú i bienestar di su empleadonan, di su klientenan i tambe pa garantisá servisio na komunidat. 

 

Entrega di pòst, pakete i otro servisionan

E vírùs no por keda transmití via pòst òf pakete. Cpost ta sigui entregá pòst, pakete i otro korespondensia pa nos klientenan. Tambe nos servisionan di MoneyGram, Expresspost, PuntoMio, PuntoMio Business, Cpost Cargo i pago di impuesto riba outo ta sigui. Kaminda ta nesesario esaki lo tuma lugá ku algun adaptashon. 

 

Evitá transmishon di e vírùs

Cpost ta sigui maneho di GGD i ta tuma medidanan di higiena pa evitá transmishon di e vírùs. Nos ta sòru pa nos empleadonan ta konsiente di kiko mester hasi pa keda salú i traha di e forma más higiéniko posibel.

 

Relashoná ku bishita na nos diferente filialnan, Cpost ta tuma medidanan pa limitá aglomerashon di kliente den su filialnan. Pa esaki nos ta supliká klientenan ku mester di nos departamentu di ‘Customer Service’ hasi esaki via di email na customerservice@cpostint.com òf dor di yama na telefòn 433-1342 pa tur pregunta òf petishon di asistensia. Nos departamentu di Customer Service na Groot Kwartier lo no risibí bishitá.

 

Tambe Cpost a tuma e desishon pa trese algun kambio den e infrastruktura den su filialnan. Pa esaki a skohe pa pone stulnan na un distansia mas leu for di otro pa evitá ku nos klientenan ta muchu serka di otro i por kousa ku un ta kontagiá otro. 

 

Ahuste na algun servisio 

Relashoná ku e servisionan di ‘Proof of Delivery’ i ‘(PuntoMio) Home Delivery’, empleadonan di Cpost lo no pidi klientenan pa firma na momentu di entregá korespondensia i/òf pakete. Den e kaso aki nos lo hinka e paketenan den pòstbùs di e kliente. 

 

Te na un próksimo aviso, Cpost lo no risibí pòst òf paketenan ku e siguiente destino: Italia, China, Honduras, Perú, Ecuador, Chile, Guatemala, India, Saudi Arabia, Hong Kong, Japan, Zuid Korea, Oman, Tawan, Oekraine, Kuwait, Bahrain, Rusia i Venezuela. Esaki ta basá riba desishon di nos diferente partnernan postal. Nos lo tene nos klientenan informá riba desaroyonan rondó di esaki.  

 

Nos ta hasi un súplika serio na tur nos klientenan ku ta sufri di e kombinashon di síntomanan di grip, problema respiratorio, keintura i tosamentu, pa apstené di bishitá nos filialnan i otro lokalidatnan públiko. 

 

Por fabor sigui e instrukshonnan duná dor di nos outoridatnan di salú pa prevení ku ta kontagiá otronan i ku e vírùs ta plama ku tur konsekuensia ku esaki por tin. 

 

Cpost International ta gradisí tur su klientenan pa e komprenshon pa ku e medidanan di prekoushon ku a tuma. Tambe nos ke pidi nos klientenan pa keda pendiente di nos página di Facebook, Cpost International, pa keda na altura di tur e último desaroyonan.