Ministerio di Salubridat, Medio Ambiente i Naturalesa ta presentá diseño adaptá pa Playa Lagun

 

Ministerio di Salubridat, Medio Ambiente i Naturalesa ta presentá diseño adaptá pa Playa Lagun

Willemstad-  Ministerio di Salbridat, Medio Ambiente i Naturalesa (GMN) a tene un reunion será ku sierto stakeholder di Playa Lagun pa presentá un diseño revisá di desaroyo na Playa Lagun, adaptá segun e komentario i preokupashonnan di e komunidat.

Importante pa menshoná ta e echo ku mayoria stakeholder ta satisfecho i ta sostené e diseño adaptá aki. Ministerio di GMN ta ekspresá gratitut na tur esnan ku a kontribuí i ta subrayá ku e objetivo ta alkansá un ekilibrio entre desaroyo sostenibel i protekshon di e naturalesa i ambiente di Playa Lagun.

Pa garantisá transparensia, e diseño revisá lo wòrdu presentá na pueblo di Kòrsou e siman ku ta bin.

Ministerio di GMN ta konfia ku e diseño adaptá lo kontribuí na un Playa Lagun inklusivo i sostenibel, ku ta apropiá pa tur persona, tanto residente komo bishitante, mientras su identidat orgániko ta keda preservá pa futuro generashonnan.