Minister Glenbert Croes durante su anuncio di FASE: Si tin un cos cu a tipifica e Gobierno aki ta su solidaridad social humano den momentonan dificil

Minister Glenbert Croes durante su anuncio di FASE:

Si tin un cos cu a tipifica e Gobierno aki ta su solidaridad social humano den momentonan dificil

 

Durante Rueda di Prensa di Minister Glenbert Croes, e mandatario a anuncia e final di Fondo di Asistencia Social di Emergencia esta FASE.

Manera ta conoci ya 19 di maart Minister Glenbert Croes a sali ta anuncia e ayudo di FASE ta tur esunnan cu ta perdiendo trabou. Despues e mandatario a anuncia cu Gobierno di Aruba a dicidi di prolong’e cu 3 luna mas. E final di e dos termino ta fin di september cu lo ta e ultimo dia di FASE.

 

Pero anteriormente e continuacion a bay automaticamente. Awo ta diferente. E mandatario a anuncia cu pa por sigui ricibi FASE te cu september mester registra pa prolongacion riba www.fasehelpdesk.com.

Pa por aplica pa prolongacion tin te cu 15 di augustus. Pa por aplica pa prome biaha tambe e deadline ta 15 di augustus, esaki pa por haya e ultimo dos lunanan di FASE. Ken ta bin na remarca pa prolongacion? E hendenan cu te ainda ta sin ningun clase di entrada. Si bo ta trahando of bo ta hayando loonsubsidie, bo no por haya FASE tambe. Pues tur esunnan cu nan situacion laboral no a cambia y ainda ta sin entrada, eseynan por registra di nobo riba e website di FASE pa prolongacion. Deadline ta 15 di augustus.

 

E mandatario a expresa su admiracion pa e forma con Gabinete Wever Croes a sali mesora na ayudo y vanguardia di e pueblo trahado cu a perde entrada di un dia pa otro pa via di COVID19. Esaki ta algo cu a inventa di un dia pa otro y cu ningun otro pais na mundo a haci. E ta un proceso cu te ainda nos ta siñando di dje pa bay evalua ki trayecto encamina pa e etapa post-FASE pasobra e crisis economico financiero aki no ta un situacion cu nos lo surpasa asina lihe. Pero mescos cu Gobierno a sa di yuda desde un principio sea tabata cu FASE of cu Loonsubsidie of MKB, igual Gabinete Wever Croes lo sa di keda na vanguardia di nos Pueblo.

 

Glenbert Croes

4 augustus 2020

This site uses Akismet to reduce spam. Learn how your comment data is processed.

error: Content is protected !!
%d bloggers like this: