Subida di preis di gasolin I gas ta un estafa

 

Subida di preis di gasolin I gas ta un estafa

Mundialmente preis di petroli i gas a baha konsiderablemente.  P’esei parlamentario Calmes ta konsiderá e aktual subida di preis di gasolin I gas un estafa. 

Publikashon di reguladó BTP ta mustra ku na yanüari 2020 tabata kumpra gasolin (Liter Mogas 95) pa Naf. 0,90 i gas (LPG 20 lbs) pa Naf. 6,31. Esakinan  tabata wórdu bende pa  respektivamente Naf 1.81  i Naf. 13,- na punta di benta. Notabel ta e bahada na luna di Mei  kaminda preis di kompra di gasolin a baha te Naf. 0,55 i gas te Naf. 5,73.

 

Luna Produkto Kumpra Benta
Yanuari Lt Gasolin 0.91 1.81
Yanuari 20 Lbs Gas 6.31 13.00
Mei Lt Gasolin 0.56 1.76
Mei 20 Lbs Gas 5.73 12.00
Aug Lt Gasolin 0.47 1.85
Aug 20 Lbs Gas 5.75 14.00

Sin previo aviso òf splikashon BTP i CUROIL ta bini ku komponentenan ku ta impedí e pueblo di risibí e benefisionan dje bahada den preis di petroli i gas. Mayoria argumentashon su origen ta ku PDVSA no tei mas i refineria no ta produsiendo. Remarkabel pa Sr. Calmes ta ku durante e resien rueda di prensa e eksperto di BTP a bisa ku for di 2019 nan a hala atenshon di RdK/PMO dje situashon ku ta na kaminda si no tin un operador.

Na 2019 den sala di Isla ta Sr. Calmes tabata e uniko ku a grita “Pro” pa mantené PDVSA. E ekspreshon “pro” aki a trese rabiamentu den koalishon pero awe ta bira berdat konforme e publikashon di BTP ku mester subi preis paso no tin infrastruktura mas pa produsí.

Desafortunadamente atrobe strukturanan ta pone ku maske CUROIL ta kumpra e gasolin pa apénas Naf. 0.47 i gas  Naf. 5.75 e preis di benta ta bira respektivamente Naf. 1.84 i Naf. 14,-. Kon ta posibel ku pueblo tin ku bai paga mas maske preis di kompra di gasolin a baha kasi 50%? E desishonnan aki sigur lo deskurasha kualke invershonista pa bini Kòrsou den un ekonomia ku un kaida di 23.5% i un desempleo yegando 55%.

Sr. Calmes ta konvensi ku mester bai transforma e sistema aki paso e no ta benefisioso pa pueblo.

This site uses Akismet to reduce spam. Learn how your comment data is processed.

error: Content is protected !!
%d bloggers like this: