ARUBA TA KONSTATA 113 MAS DI COVID-19 KU TA HASI E TOTAL 509 KASO KU 392 AKTIVO

ATENCION
Departamento di Salud Publico cu un yamada na comunidad !

Debi na e brote di Covid-19 na Aruba, Departamento di Salud Publico ta haci un yamada na tur cuidadano cu den e dianan cu a pasa a test positivo pa Covid-19 y tambe na esnan cu den e proximo dianan cu ta bin por test positivo ainda.

E yamada ta pa mantene bo mes na tur instruccion di isolacion. Esaki nifica primordialmente keda cas y limita tur contacto cu otro persona lo maximo posibel. Unda no por evita e contacto, aplica tur medida di proteccion nesesario.

Tambe ta importante pa bo alimenta bo mes bon, bebe hopi awa, maneha bo sintomanan y si tin cualkier pregunta of bo sintu cu bo salud ta empeora consulta cu bo dokter di cas.*

Esnan cu tawata tin contacto cu un persona positivo of tin duda, ta wordo conseha pa tuma tur medida di higiena y proteccion nesesario y na prome indicacion di sintoma, tuma contacto cu bo dokter di cas.

Medidanan di higiena ta;
• Laba man frecuentemente cu awa y habon of uza handsanitizer
• Evita mishi cu bo wowo, nanishi y boca
• Evita aglomeracion di hende
• Mantene distancia di 1.5 meter di otro persona
• Bisti mondmasker unda no por garantisa 1.5 meter di distancia

Ta rekeri compromiso y diciplina di nos tur pa stop e virus di sigui plama.