Tuma nota di korespondensia entre Grefir di Parlamento i miembronan di frakshon di MFK
Tuma nota di korespondensia entre Grefir di Parlamento i miembronan di frakshon di MFK, kaminda awe numa a informá frakshon di MFK ku gabinete Rhuggenaath a oumentá e salario básiko di Parlamentarionan tambe sin aviso previo.
Meskos presidente di Parlamento a konstatá esaki for di kuminsamentu di ougùstùs i a manda un karta 4 di ougùstùs pa promé Minister Rhuggenaath sin avisá miembronan di Parlamento.
Ku esaki frakshon di MFK kier indiká ku ningun di nos Parlamentarionan no tabata na altura di e oumento aki, esaki ta un falta di rèspèt pa e kolegio Parlamento i pa kada miembro di e kolegio aki ku ta tuma desishonnan di e magnitut aki sin informá nos.
Den tempu di ousteridat nos por tuma e tipo di desishonnan aki, MFK no ta akseptá e desishon aki, drei esaki bek.
Gilmar Pisas
Miembro di Parlamento
Aki mi ta manda un splikashon breve riba loke a pasa i loke salarisadmin. a informá nos.Den ‘opdracht’ di ariba (mi no sa ta ken a duna esei) salarisadmin. a subi e basisloon (di 12mil piku pa 14mil piku). E motibu ku nan a duna ta ku tin un lei den preparashon pa introdusi un nivel di salario mas haltu pa Parlamentario i tambe pa ministernan. Seguidamente nan a aplika e deskuentonan ku nos a disidí riba dje den Staten; esta e redukshon di e vervoerstoelage, representatie i tambe vakantiegeld. Banda di esaki nan a pone un redukshon èkstra pa rekompensá e diferensia ku tin debí na e basisloon mas haltu. Nautralmente e tarifanan pa diferente primanan tambe a keda adaptá konforme. E resultado final ta ku e ‘netto’ ta igual ku loke e miembro lo a risibí si a apliká e rekorte a base di e basisloon aktual (12mil piku).Mi no ta kompronde pakiko a hasi e kos aki, siendo ku nos no a pidi esei. Foral mirando ku segun nan e ‘netto’ ta igual.Nos a pidi i haña e salarisslip-nan di miembronan pa e bia aki i nos por konfirmá ku e loke ta skirbí ariba a keda apliká pa tur miembro di Parlamento.E loke ta para riba slep tras di code R51 i R515 ta e korting pa representatie i toelage vervoer.“Inhouding diversen” ta kaminda ta hasi e korekshon pa yega na e nettoloon igual ku salario normal (12mil piku).Entretantu Presidente di Parlamento a manda un karta pa Gobièrnu pa pidi pa drai bèk e oumento fiktisio riba e slepnan di salario di yüli i hasi tur e konteo konforme esei. Presidente a outorisá pa manda kopia dje karta pa e miembronan ku kier aklarashon.