google.com, pub-5639114718427035, DIRECT, f08c47fec0942fa0

Gobièrnu ta traha riba palabrashon konkreto pa pais Kòrsou bira miembro di IOC. Minister Sithree van Heydoorn ta reuní ku sra. Nicole di Hoevertsz di IOC

 

Gobièrnu ta traha riba palabrashon konkreto pa pais Kòrsou bira miembro di IOC.
Minister Sithree van Heydoorn ta reuní ku sra. Nicole di Hoevertsz di IOC

Willemstad – Minister di Enseñansa, Siensia, Kultura i Deporte (ESKD) sr. Sithree van
Heydoorn den representashon di Gobièrnu di Kòrsou huntu ku kolaboradornan di
maneho di Ministerio di ESKD ta biaha pa Aruba pa reuní ku sra. Nicole Hoevertsz VisePresidente di IOC. Meta di e reunion ku sra. Hoevertsz ta pa amplia riba posibilidatnan i
yega na akuerdonan preliminar pa Kòrsou, haña rekonosementu i partisipashon na
weganan Olímpiko bou di nos mes bandera. E reunion ta tuma lugá djaluna, 28 febrüari
2022.
Sra. Nicole Hoevertsz ta Vise-Presidente di e Komishon Olímpiko Internashonal (IOC), ku a
keda skohé na aña 2017. Alabes sra. Hoevertsz ta miembro ehekutivo di e Komishon
Deportivo Panam Amerikano. Ta importante pa por tin un bon relashon ku paisnan i ku
IOC. Den e reunion aki, tambe lo eksplorá posibilidatnan pa yega na oportunidat i
kondishonan di desaroyo igual pa deporte i atletanan di Kòrsou.
Paralelo na e proseso di rekonosementu di país Kòrsou na IOC, ta importante pa eksplorá
otro posibilidatnan pa Kòrsou risibí sostén fiansiero i sostén tèkniko for di IOC. Tambe
mester enfatisá i “follow-up” riba e státùs di e petishon di Kòrsou pa bira miembro di
Panam Sports. Statutonan di Panam Sports a keda adaptá di tal forma ku Kòrsou por apliká
pa bira miembro. Esaki Kòrsou a hasi tambe i ta wardando riba kontesta. Akseptashon na
Panam Sports no solamente ta nifiká ku Kòrsou por partisipá ku su atletanan na weganan
Panamerikano, sino tambe esaki tin e benefisio ku Kòrsou por risibí sostén finansiero i
tèkniko.
Ministerio di Enseñansa, Siensia, Kultura i Deporte ta spera di yega na palabrashonnan
konkreto pa por duna nos atletanan e oportunidat pa representá nos pais i kompetí bou di e
Bandera di Pais Kòrsou.

Share this page to Telegram

This site uses Akismet to reduce spam. Learn how your comment data is processed.

%d bloggers like this: