Minister Xiomara Maduro ta informa: Te cu 27 di augustus por aplica pa Subsidio di Salario pa luna di augustus 2020 Den juli a yuda 21162 trahador cu nan salario
Minister Xiomara Maduro ta informa:
Te cu 27 di augustus por aplica pa Subsidio di Salario pa luna di augustus 2020
Den juli a yuda 21162 trahador cu nan salario
ORANJESTAD – Pa comercio y trahadornan por surpasa e crisis economico cu COVID19 ta trece cune, Gobierno di Aruba a bin ta ofrece yudansa den forma di Subsidio di Salario. Desde mei companianan cu ta bin na remarca pa e yudansa aki ta wordo notifica door di SVB y ta haya un plazo di tempo den cual mester aplica pa e yudansa aki pa asina por cubri un maximo di 60% di e salario di trahador. E meta di e yudansa financiero aki ta pa durante e crisis di COVID19 por conserva cupo di trabou na beneficio di Aruba su economia. Den luna di juli 2020, un total di 1457 compania a haya Subsidio di Salario pa por cumpli cu e salario di 21162 trahador. E suma concerni ta 34.8 miyon florin.
E registracion pa Subsidio di Salario pa luna di augustus ta cuminsa 21 di augustus te cu 27 augustus 2020. Pago ta wordo haci entrante 31 di augustus 2020. Pa pregunta riba Subisidio di Salario por tuma contacto cu SVB su Service Center via loonsubsidie@svbaruba.org of subi http://www.svbaruba.org.
