Akshon di búskeda pa hòmber pèrdí.

KOMUNIKADO DI PRENSA 324 / 2020
23 ougùstùs 2020
Akshon di búskeda pa hòmber pèrdí.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Den oranan lat di mainta di djasabra 22 di ougùstùs 2020, Sentral di Polis a risibí
informashon ku un hòmber di 73 aña di edat lo a mèldu ku e tabata pèrdí den mondi na San
Willebrordus.
Mesora a dirigí unidatnan di Barber den e área pa wak si ta topa ku e hòmber aki.
Tambe personal di Polis i di Politur a lansa nan drone pa wak si por a lokalisá e persona aki.
Den oranan di mèrdia a intensivá e búskeda ku mas unidat i tambe a pidi presensia di
Wardakosta i personal di Defensa Hulandes pa por a kubri un área mas grandi.
Den oranan lat di anochi a kanselá e búskeda i djadumingu mainta trempan e akshon aki a
kontinuá i lo sigui, ya ku ainda no a lokalisá e persona aki.
Despues di trámitenan ku lo wòrdu hasi dor di famia, lo publiká potrèt i deskripshon di e
persona pèrdí, si esei ta nesesario.