J’Dah Girigiorie ta pitcha ku outoridat pa Soaux SBC gana Vipers Elite, 8-1.

E hoben prospekto di picheo J’Dah Girigori, a bai e ruta kompletu, imponiendo riba e ofensiva di Vipers Elite i teniendo esaki di for di base pa gana e wega 8-1. E wega ku a hunga dilanti un bon publiko na Buenavista Ball park, a kaba pa via di nokout.

Vipers a postula Jacqueline Sophia riba pitchers plate. Su ofensica a sali produsi 1 kareda pe pa Vipers bai ariba 1-0 den kabez di prome. Un kombinashon di bataso oportuno den su kontra i pifia den defensa di Vipers, a buta ku e mestera soporta Soaux pipita 2 kareda den bom di prome, 2 mas den bom di dos inning, 2 mas den bom di tres inning i 1 den bom di kuater inning pa kana yega bon di kinto ku score di 7-1 na fabor di Souax. Ku ambiente di nok out den laira, Stephany Ilario ta drenta di relevo pa Jacqui Sophia den bom di kinto. E no por evita ku Souax ta nota 1 mas pa hasi wega 8-1. E ventaha di 7 kareda i e wega ku ta legal, ta nifika ku e umpire ta aplika e nok out rule. Ku esei Soaux ta gana e wega.

J’Dah ta bai e ruta kompletu i ta gana e wega. Jacquiline ta perde e wega ku ta kaba panvia di nok out na fabor di Soaux, 8-1 den bom di kinto inning.