Gobièrnu ta paga sosten laboral pa luna di ougùstùs

Gobièrnu ta paga sosten laboral pa luna di ougùstùs

Geplaatst op 28 August 2020 dor di Ministerio Desaroyo Sosial, Labor i Bienestar

SOAW Helpdesk ta atendé kliente solamente ku sita

Willemstad – Gobièrnu Kòrsou – Ministerio di Desaroyo Sosial, Labor & Bienestar (SOAW) a disidí ku ta paga personanan ku ta risibí un sosten laboral pa luna di ougùstùs. Esaki ta nifiká ku tantu e persona ku a risibí un sosten laboral (finansiero) i tambe esnan ku a risibí un karchi sosial, lo bai risibí esaki dia 4 di sèptèmber 2020.

Karchi di personanan ku ta risibí ònderstant lo keda rekargá dia 28 di ougùstùs, despues dia 11 di sèptèmber 2020.

SOAW a disidí tambe pa habri e formularionan riba wèpsait di Fondo di Sosten dia promé di sèptèmber 2020, pa personanan ku a pèrdè trabou promé i despues di dia 15 di mart.

SOAW Helpdesk, entrante djaluna 31 di ougùstùs, ta atendé kliente solamente ku sita.
Por hasi bo sita via Telefòn na 724-5300, 434-0309, Whatsapp 510-7629 òf mail via sostenemi@fondodisosten.org.

SOAW Helpdesk ta rekomendá tur kliente pa presentá na nan sita ku nan tapaboka (mondkapje), pa hasi uso di handsanitizer na porta i tene distansia sosial.