Kontrol riba establesimentu di horeca.

KOMUNIKADO DI PRENSA 336 / 2020
29 ougùstùs 2020
Kontrol riba establesimentu di horeca.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djaweps 27 di ougùstùs 2020, entre 15.00’or pa 23.00’or tim di Mantenshon di Òrdu
Públiko a hasi kontrol na diferente establesimentu di horeca riba higiena i distansia sosial
relashoná ku Covid-19.
E kontrolnan aki a tuma lugá entre otro den área di F.D.Rooseveltweg, Juan Hatoweg, Palu
Blanku, Berg Altena, Fokkerweg, Saliña i Caracasbaaiweg.
A kontrolá un total di 13 establesimentu i 140 persona.
Tur propietarionan di e diferente establesimentunan tabata kumpli ku e reglanan di higiena
i klientenan tambe tabata kumpli ku e distansia sosial.
Polis ta spera ku kada siudadano lo sigui koperá ku su mes i otro, manteniendo su mes na
medidanan establesé relashoná ku Covid-19.
Laga nos realisá ku nos kada un tin un responsabilidat den esaki.