Pronóstiko di tempu pa Kòrsou i bisindario bálido te djaweps atardi 18:00 o.l., 3 di sèptèmber 2020.

Pronóstiko

Pronóstiko di tempu pa Kòrsou i bisindario bálido te djaweps atardi 18:00 o.l., 3 di sèptèmber 2020.
Kompilá: 
djárason 2 di sèptèmber 2020, 17:00 o.l. (21:00 UTC).

Tempu: Shelu lo ta parsialmente te hopi nublá durante awe nochi pa mayan mainta tempran ku algun áwaseru kompañá pa welek i bos. Shelu lo bira por lo general parsialmente nublá ku ménos chèns pa awa kai durante sobrá di mayan.

Temperatura máksimo lo alkansá 31ºC i temperatura mínimo 25ºC.
Solo ta sali 06:25 i ta baha 18:45 o.l.

Bientu: Direkshon ost awe den dia i bira sùitost awe nochi i mayan ku un brisa por lo general moderá; forsa 3 te 4 (12 te 30 km/ora, 7 te 16 nudo). Prinsipalmente den áwaseru mas pisá, ráfaga okashonalmente basta fuerte to posiblemente fuerte; forsa 5 te 6 (31 te 50 km/ora, 17 te 27 nudo).

Situashon general: Presensia di un disturbio riba vários nivel i kombiná ku un fluho di airu relativamente mas húmedo, lo tene e chènsnan haltu pa awa kai riba diferente parti di nos isla te mayan djaweps mainta. E airu lo seka gradualmente despues di mainta tempran i e posibilidat pa awa kai lo disminuí miéntras e dia ta progresá. Mas ainda, e fluho di bientu eksistente relativamente suak for di ost lo wòrdu remplasá pa unu di sùitost durante mayan i por lo general bira un poko mas fuerte durante e próksimo dianan.

Kondishon di laman: Trankil te moderá ku altura di olanan entre 0.5 te 1.5 meter (2 pa 5 pia). E olanan di mas haltu lo ta den áwaseru.

Sistemanan signifikante di wer tropikal: Tormenta Tropikal Nana ta sigui move wèst riba Laman Karibe oksidental menasando partinan di Amérika Sentral. Tormenta Tropikal Omar ku resientemente a desaroyá ta move ost riba Osean Atlántiko nort i ningun di e dos sistemanan aki ta un menasa pa Kòrsou.

Fenómeno spesial: Ningun.

Perspektiva te djabièrnè atardi: Despues di un wer por lo general seku riba sobrá di djaweps den dia i anochi, ta premirá atrobe un djabièrnè mainta mas muhá.

Meteorólogo: Coffie.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: