Website pa Dikshonario Splikativo Papiamentu

Website pa Dikshonario Splikativo Papiamentu

Fundashon di Léksiko Papiamentu a lansa un website ku informashon tokante e Dikshonario Splikativo Papiamentu ku su Tim di Redaktor ta trahando. Ta trata di un proyekto ambisioso di hopi aña.

 

Te ainda no tin un dikshonario splikativo pa nos lenga papiamentu, algu sumamente nesesario pa konosementu, konsolidashon i tambe desaroyo di nos lenga. No mester konfundí dikshonario splikativo ku dikshonario bilingual, esta, un dikshonario ku ta duna tradukshon di un palabra na un otro lenga. 

Un dikshonario splikativo ta splika nifikashon di palabra na e lenga di e palabra mes i kon por usa e palabra den un frase. 

 

Nos website ta duna informashon tokante ken nos ta, kon nos ta traha, algun ehèmpel di entrada i kon leu nos ta ku nos trabou. 

 

Tambe tin posibilidat pa interesado reakshoná riba muestra di nos trabou.

 

Direktiva di Fundashon di Lèksiko Papiamentu ta invitá tur hende pa bishitá nos website na www.dikshonario-splikativo-papiamentu.com