Kombersashon produktivo entre Promé Minister Rhuggenaath i Sekretario di Estado sr. Knops

Kombersashon produktivo entre Promé Minister Rhuggenaath i Sekretario di Estado sr. Knops

Geplaatst op 02 September 2020 dor di Ministerio Asuntunan General i Promé Minister

WILLEMSTAD – Komo parti di su bishita di trabou na Kòrsou, Sekretario di Estado sr. Knops tabatin riba djárason 2 di sèptèmber 2020 un enkuentro ku Promé Minister Rhuggenaath den Fort Amsterdam.

Durante di e kombersashon aki a hasi uso di e oportunidat pa personalmente para ketu na e situashon aktual di pais i tambe interkambiá ku otro tokante pasonan esensial ku mester tuma lugá den e periodo benidero, pa asina Kòrsou por superá e retonan grandi ku e ta enfrentando pa motibu di e krísis di COVID-19.

Di e forma aki Promé Minister ta spera di por a dal un paso importante mas den e direkshon nesesario pa sigurá e finansiamentu urgente ku Kòrsou mester na e momentunan aki.

Riba e fotonan por mira Promé Minister Eugene Rhuggenaath i Sekretario di Estadio, sr. Raymond Knops, akompañá pa sr. Erwin Arkenbout di Vertegenwoordiging van Nederland i sra. Chrerise Balentin, Sekretario di Konseho di Minister.

Ministerio konserní 

This site uses Akismet to reduce spam. Learn how your comment data is processed.

error: Content is protected !!
%d bloggers like this: