Detenshon relashoná ku ladronisia.

 

KOMUNIKADO DI PRENSA 354 / 2020
8 sèptèmber 2020
Detenshon relashoná ku ladronisia.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di ladronisia ku a tuma lugá 3 di
sèptèmber 2020 den un kas na Kaya Kokolishi, reshèrshinan di VVC Rio Canario a detené
tres hòmber sospechoso.
Djamars 8 di sèptèmber 2020, alrededor di 13.00’or, riba ordu di Ministerio Públiko polis a
detené e hòmbernan:
W.J.H. di 23 aña di edat;
R.A.S. di 21 aña di edat;
H.A.J.H. di 19 aña di edat, tur tres nasé na Kòrsou.
Detenshon a tuma lugá na altura di un establesimentu riba F.D. Rooseveltweg.
Seguidamente polis a tene entrada hudisial den kuater kas den e barionan di Dein,
Gibraltar, Buena Vista i Seru Fortuna. Durante investigashon na e adresnan menshoná polis
a haña i konfiská diferente artikulonan prosedente di ladronisia i tambe mata di mariwana.
A presentá tur tres sospechoso dilanti un fiskal ouksiliar ku a ordená nan enkarselamentu
pendiente di mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: