Partido Inovashon Nashonal (PIN) ta úrgi Parlamento di Kòrsou pa konforme artikulo 63 di nos Areglo di Estado defendé interes sosial-ekónomiko di nos pais na Ulanda.

 

Partido Inovashon Nashonal (PIN) ta úrgi Parlamento di Kòrsou pa konforme
artikulo 63 di nos Areglo di Estado defendé interes sosial-ekónomiko di nos
pais na Ulanda.

Durante di e debate den Tweede Kamer, Parlamentu Hulandes, ayera 9 di sèptèmber
2020, entre e Sekretario di Estado Ulandes sr. Knops i e frakshonnan polítiko riba e proposishon pa e Lei di ‘sin-konsenso’ di Reino riba e entidat independiente di gobernashon Ulandes, konosí komo CHE, PIN a konstatá diferente diskrepansia den e deklarashonnan ku e mandatario Ulandes a duna na Kòrsou i e splikashonnan duná na Hulanda. Por ehèmpel a konfrontá nos ku un proposishon di ‘stikken of slikken’ i den
Tweede Kamer ta laga habri komo sifuera tin espasio pa yega na un konsenso real.
Tambe e ta informá parlamento Ulandes ku ta 10 porshento so a kumplí ku Groeiakkoord kaminda ku sigur un 70 ta ehekutá of ta den ehekushon. Por sierto mester remarká
ku e ta pretendé ku nos mester a implementá den 1 aña lokual nan ke eksigí 6 aña di espasio pa CHE ehekutá.
PIN ta úrgi Parlamento pa pidi Gobièrnu un relato por eskrito riba e kumplimentu ku e
Groeiakkoord. Tambe PIN a konstatá ku ni e konsekuensianan sosial-ekonómiko, ni esnan demokrátiko, ta bon klá pa e frakshonnan den Parlamento Hulandes ku awero mester disidí riba e lei di Reino sin- konsenso aki.
PIN ta úrgi Parlamento di Kòrsou pa bai defendé nos interesnan den Staten General i
Konseho di Minister di Reino na Den Haag, manera artikulo 63 di nos Areglo di Estado
ta stipulá. E splikashon mester enserá e parti di demokrasia, presupuesto, ekonomia i
konsekuensianan sosial. Alternativanan pa e Lei CHE tambe mester keda poné riba
mesa, por ehèmpel manera e proposishon di PIN pa un Entidat di Reforma Komun di e
paisnan i/o otro alternativa di otro partidonan of gruponan den nos komunidat. En
todo kaso no por laga sekretario di estado sr. Knops so ta splika, sin trese nos parti di e
realidat dilanti.
PIN ta úrgi pa kontinuá ku deliberashonnan den e parti Karibense di Reino, tantu riba
nivel di Gobièrnu komo Parlamento i ta sugerí pa e tres Parlamentonan manda un delegashon huntu riba e mishon pa Hulanda.

This site uses Akismet to reduce spam. Learn how your comment data is processed.

error: Content is protected !!
%d bloggers like this: