Ekstenshon oportunidat pa rekonosé artíkulo hòrtá

 

KOMUNIKADO DI PRENSA 376 / 2020
24 sèptèmber 2020
Ekstenshon oportunidat pa rekonosé artíkulo hòrtá
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Resientemente Kuerpo Polisial a saka un video riba facebook relashoná ku diferente artíkulo
prosedente di ladronisia.
Den e video aki siudadanonan por tuma nota di e artíkulonan konfiská i rekonosé loke ku ta
nan pertenensia.
Na momento ku bo rekonosé bo propiedat i tin un komprobante di esaki òf un komprobante
di e denunsia ku bo a hasi ku deskripshon di e propiedat, bo por manda un mail na
bureau.communicatie@polis.cw.
Bo por yama tambe na e numbernan di telefòn 8666150 òf 8666152 den siman entre 10’or
di mainta i 12’or di mèrdia.
Nos lo sòru pa bo haña un sita pa pasa wak e artíkulonan.
Debí na e interes haltu, nos a ekstendé e oportunidat pa manda mail òf yama pa haña sita,
te ku djárason dia 30 di sèptèmber próksimo.

This site uses Akismet to reduce spam. Learn how your comment data is processed.

error: Content is protected !!
%d bloggers like this: