Kaso di ladronisia ku detenshon.

KOMUNIKADO DI PRENSA 377 / 2020
24 sèptèmber 2020
Kaso di ladronisia ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 24 di sèptèmber 2020, alrededor di 11.50’or Sentral di Polis a risibí notifikashon ku
tin ladron den un kas na Artillerieweg.
Mesora a dirigí unidat polisial na sitio ku na nan yegada a tuma nota kon dos hòmber ta
bula kurá di e kas i kore bai. Polis a kuminsá ku búskeda den e área di Amerikanenkamp i a
señalá un di e hòmbernan aki den kurá di un internat. Polis a rondoná entre otro e internat i
alrededor di 12.15’or a detené un di e hòmbernan aki.
Ta trata di e hòmber sospechoso S.P.C. nasé na Kòrsou di 24 aña di edat, di kua tin
petishon pa detenshon den un otro kaso.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.