PIN: stòp di bira rònt i no span kabai tra’i garoshi atrobe! No por tin agénda di ehekushon si komunidat no sa kiko tei ehekutá.

 

PIN: stòp di bira rònt i no span kabai tra’i garoshi atrobe!
No por tin agénda di ehekushon si komunidat no sa kiko tei ehekutá.

Willemstad — Den su último deklarashon nashonal minister-presidente a spliká ku negosashonnan
ku Hulanda ta kanando asina positivo ku hasta a yega na un agènda pa ehekutá reforma. Lokual ta
lamentabel ta ku, meskos ku tempu a yega na ‘Groeiakkoord’, e reformanan konkreto mes pa falta
di splikashon no ta kla pa nos komunidat, siendo ku eksito di reforma ta depende hustamente di
sosten dje komunidat. Hasta awor ku gobièrnu Hulandes ta kulpa nos di no a ehekutá e asina yama
‘Groeiakkoord’, nos Gobièrnu no ta refutá esei ku preubla i splikashon. Esaki ta duna gobièrnu
Hulandes e chèns pa pusha nos inkoretamente den e huki di inkumplimentu.
P’esei i komokiera ku, independiente di un akuerdo ku Hulanda, mester reformá tòg bou nos propio
responsabilidat, PIN ta úrgi gobiernu pa stòp di bira rònt i pa gana tempu no warda final dje
negosashonnan, pero anunsiá i ehekutá e reformanan konkreto awor mes.
E mes pieda dos bes
Un dje reklamonan interno i di Hulanda riba nos gobernashonnan di turno ta e lentitut ku ta atendé
poblemanan struktural. Promé minister a aksentua esei den su último diskurso bisando ku ‘nos no tin mas
margen pa keda bira ront’.
PIN sinembargo ta konstatá ku a bisa meskos na inisio di 2019 ora a formalisá ‘Groeiakkoord’. Awe faltando
3 luna pa 2020 kaba, ainda e idea of akshonnan di reforma no ta tangibel, ni signifikante. Komunidat
simplemente no sa ta kua reforma eksakto gobièrnu ke ni tampoko riba kiko gobièrnu ta warda i stòp di
bira rònt
Esei ta remarkabel paso Gobiernu a tene varios ronda di konsulta promé i durante COVID, kiermen
komunidat por asumí ku gobernashon ya sa direkshon dje reformanan. Mas ainda pasobra a splika ku e
‘landenpakket’ serka e proposishon Hulandes ta praktikamente nos mes plan. P’esei PIN ta úrgi gobiernu
pa sali i anunsiá i ehekutá e kontenido konkreto di e reformanan di mas prioridat. Asina komunidat ta haña
klaridat i por hasi su parti pa logra loke ta asina nesesario.
PIN ta úrgi gobièrnu tambe, pa splika na plaka chikí kiko si a keda ehekutá di e Groeiakkoord, ya ku kasi
ningun hende no ta na altura di esei, ni ta ripará esei den nan bida diario.
Outonomia ta nos mes
Prome minister a deklara tambe ku ‘un di e puntonan di mas importante ta pa nos outonomia keda
salbaguardiá’. PIN ta satisfecho ku e prome mandatario ta keda konsiente di esei. Sinembargo pa Partido
PIN ta remarkabel ku parlamento ku, komo representante skohé pa i di pueblo, ta esun prome yamá pa
defende honor dje komunidat aki, no a usa su prerogativa pa manda un delegashon pa deliberá ku Hulanda
di forma ofisial manera PIN mes a sugerí.
Nos asombro ta grandi paso mientras ku na kas ta lamenta ku sekretario di estado Knops no a bishita
Parlamento aki na Kòrsou i mientras ku ta diskutí pro i kontra di e proposishon Hulandes den media
tradishonal i sosial, Parlamento no ta usa e posibilidatnan konkretu ku nos Areglo di Estado mes ta brinda
pa hustamente atendé ku impase den Reino manera ta e kaso awor.
Difísil pero no imposibel
Mientras ku e tabata enkargá ku e kartera di Salubridat, Medio Ambiente i Naturalesa, sra. Camelia-Römer
sin nesesidat di ‘Groeiakkoord’ òf otro akuerdo ku Hulanda, i soportando avalancha di kritika infundá i
hasta kalumnia, a fihá posishon pa logra ahuste den e presupuesto di salubridat entre otro bahando entrada
di spesialistanan, importadornan di remedi i alabes krea un perspektiva ekonomiko nobo den e area di
Komunikado — PIN: stòp di bira rònt i no span kabai tra’i garoshi atrobe!
Pag. 2 di 2
agrikultura. Esaki ta prueba ku si gobernashon ta kla den intenshon, argumento i komunikashon, bèrdat
Kòrsou no mester keda bira rònt mas. Pues e bala ta i ta keda den kampo di gobernashon di nos pais.
Konsiente di esei, PIN dunando honor na su bandera humanista-kristian, lo keda aportá na adelanto di nos
pais den forma di sugerensha i ehempel.

This site uses Akismet to reduce spam. Learn how your comment data is processed.

error: Content is protected !!
%d bloggers like this: