EPB ta firma akuerdo ku Selibon N.V. pa maneho di shushi / OLB tekent akkoord vuilnisbeleid met Selibon N.V.
EPB ta firma akuerdo ku Selibon N.V. pa maneho di shushi
Kralendijk – Entidat Públiko Boneiru (EPB), representá pa diputado Pablo ‘James’ Kroon, a firma ku Selibon N.V. un akuerdo di ‘Maneho di shushi na midí’. Ta trata aki di un akuerdo ku ta konsistí di un total di 8 proyekto.
“Ya kaba Selibon N.V. a ranka sali ku ehekushon di mayoria di e proyekto nan”, Rudsel Leito, direktor di Selibon N.V. a bisa na momento ku e a firma e akuerdo. Entidat Públiko Boneiru (EPB) konhuntamente ku Ministerio di Infrastruktura i Maneho di Awa tin algun tempu kaba ta trahando riba e plan. E plan a keda aprobá i finansiá dor di Hulanda pa un montante di 2 mion dòler.
Diputado Kroon ta sumamente kontentu di por a firma e akuerdo pa nos mantené nos dushi isla Boneiru limpi i bunita. E ta gradesí Selibon N.V. i Rudsel Leito pa nan trabou inkansabel.
OLB tekent akkoord vuilnisbeleid met Selibon N.V.
Kralendijk – Het openbaar Lichaam Bonaire, vertegenwoordigd door gedeputeerde Pablo ‘James’ Kroon, heeft een akkoord getekend met Selibon N.V. over het vuilnisbeleid. Het gaat om een akkoord over acht projecten.
“Selibon N.V. is al van start gegaan met de uitvoering van de meeste projecten”, verklaarde directeur Rudsel Leito, bij het ondertekenen van het akkoord. Het openbaar lichaam Bonaire (OLB) samen met het ministerie van Infrastructuur en Waterstaat werken al een tijd samen aan het plan. Het plan is goedgekeurd en wordt door Nederland met 2 miljoen dollar gefinancierd.
Gedeputeerde Kroon is ontzettend blij dat hij het akkoord heeft kunnen tekenen zodat Bonaire mooi en schoon kan blijven. Hij bedankt Selibon N.V. en Rudsel Leito voor hun onvermoeibare inzet.
