Minister Sithree “Cey” van Heydoorn, Awe mi tabata tin e honor di start un trayekto hopi importante pa nos enseñansa na Kòrsou.

Huntu ku nos funshonarionan di enseñansa i direktornan di skol, nos a kuminsá e formashon pa bira “Vakbekwame Schoolleider” lidernan ku ta prepará pa guia nos skolnan ku konfiansa, vishon i kalidat.

Esaki no ta solamente un invershon den desaroyo personal, pero prinsipalmente den futuro di nos muchanan i nos pais.

Liderato fuerte ta esensial pa garantisá enseñansa di kalidat, inklusivo i orientá riba futuro.

Mi ta orguyoso di e kolaborashon ku Fontys Hogescholen, ku ta aportá nan ekspertisio i eksperensia pa sostené e trayekto aki.

Mi ta deseá tur partisipante hopi éksito i inspirashon.

Sigui lidera ku pashon, kurashi i dedikashon pasobra huntu nos ta traha riba un sistema di enseñansa mas fuerte pa Kòrsou.