Konferensia Anti Pirateria i Propiedat Intelektual: Abogado Karyl Bertrand orador na Sint Maarten

Konferensia Anti Pirateria i Propiedat Intelektual:

Abogado Karyl Bertrand orador na Sint Maarten

WILLEMSTAD—E aña aki atrobe Ministerio di Hustisia di Sint Maarten ta organisá konferensia Anti Pirateria i Propiedat Intelektual. Honorabel sra  Anna Richardson komo minister di hustisia di Sint Maarten a mira importansia dje konferensia aki pa Sint Maarten i den e kuadro aki pa di 2 aña konsekutivo a disidí na organisa esaki.  Lo tin representante di markanan mundialmente famoso ku tambe lo duna presentashon. Entre otro lo tin representanan di Nike, Puma, Chanel, Moet Hennesy i Procter & Gamble . Tin oradornan ku lo bini for di entre otro Kenya, Merka i India. Pa lokual ta trata Korsou ta asina ku mr Karyl Bertrand t’e uniko abogado ku a keda invitá pa ta orador pa di 2 aña sigui.. Pa mr Karyl Bertrand ta un honor grandi ku un biaha mas el a a keda invita pa ta orador i asina representá Kòrsou dignamente. Su presentashon ta programa pa tuma lugá djabièrnè 20 di òktober ku su tema enfoká riba Anti Pirateria i Propiedat Intelektual.