Calmes:” Presupuesto 2021 di Ekonomia no ta reflehá e urgensia ku pueblo ta sklama pe!”
Calmes:” Presupuesto 2021 di Ekonomia no ta reflehá e urgensia ku pueblo ta sklama pe!”
Willemstad- Pa parlamentario Calmes e aktual Gobièrnu a kue un rumbo di goberná ekskluyendo e realidat amargo di tur dia. Den presupuesto 2021 Sr. Calmes a tuma nota ku ta kòrta den presupuesto pe Ministerio di Desaroyo Ekonómiko di 47.5 pa 44.5 mion. Di e montante aki ainda Naf 24 mion ta bai pa Ofisina di Turismo. Apénas Naf 21 mion ta keda pa paga e ámtenarnan i algun proyekto mikro. “E gritu den kaya pa solushon no ta reflehá den e presupuesto” sigun Calmes.
Durante Sr. Calmes su kaminata den Otrobanda hopi te komersiantenan ku Sr. Calmes a kombersá kuné i tuma nan konsehonan. Tin biaha ta kosnan chikí ku no mester di “masterplan” òf otro plannan sofistiká pa realisá. Sinembargo e Gobièrnu no ta tende ni di esnan baké den kaya. Na 2019 a presupuestá i aprobá Naf 4 mion pa drecha edifisionan den sentro di siudat den kuadro di turismo. Esaki tabata promé ku COVID-19. Tòg nada no a tuma lugá.
Kaya Grandi di Otrobanda tambe tin hopi alokashon para bashí pa “huur”. E presupuesto 2021 di Ekonomia ku awe Parlamento a trata sigur no ta tene kuenta ku e realidat duru amargo ku hopi komersiante huntu ku nan trahadónan ta pasando aden. Tampoko e presupuesto ta indiká akshonnan kon ta bai transformá e bista tristu ku nos sentro di siudat ta aden. Calmes:”Nos sentro di siudat mester di atenshon pura”.
Ne parti di invershon den presupuesto 2021 a kòrta di Naf 10,7 pa Naf 7 mion. Hopi ta di opinion ku Gobièrnu ainda no ta realisando kuantu daño a ser hasi ku seramentu di refineria i no ta brindando niun perspektiva. Gobièrnu a kita sèn di lora. Sr. Calmes ta tene su kurason pasombra hopi ta kontemplá pa sera despues di desèmber próksimo.
