Reunion fruktífero entre Amak i Asosiashon di doñonan di Restorant,  pa konhuntamente aserká gobièrnu pa reaktivá e sektor di farándula  bou di kondishonnan responsabel.

 

 

Reunion fruktífero entre Amak i Asosiashon di doñonan di Restorant,  pa konhuntamente aserká gobièrnu pa reaktivá e sektor di farándula  bou di kondishonnan responsabel.

 

WILLEMSTAD – Durante un reunion djaluna 19 di òktober 2020, presidente di Amak  i su konseheronan a sinta huntu ku representantenan di Asosiashon di Restorantnan, pa deliberá kon por yega na palabrashonnan tokante inisiativanan pa presentá na outoridatnan pa gradualmente reaktivá    farándula di Korsou.

 

Direktiva di Amak durante e reunion aki a tuma nota, ku e sektor di horeca ta duna empleo na alrededor di 7000 persona, i konsekuentemente ta mas ku nunka konbensí, ku  mester por yega na palabrashonnan ku outoridatnan lokal, pa e.o. amplia e orario di servisio di e restorantnan, pa di e forma ey nan por kubri nan gastunan operashonal, garantisá empleo, ku ta esensial pa nos ekonomia, i kombati pobresa, i ala bes krea espasio finansiero pa duna oportunidat na músiko/artistanan lokal pèrkurá “background music” den nan establesimentunan.

 

Manera ta konosí, e komishon  di AMAK ( KIF),  ya a  reuní ku funshonarionan di gobièrnu, pa huntu deliberá, kon por yega na alternativanan, pa gradualmente e sektor farandulero, por kuminsá funshoná.

Durante e deliberashonnan a bin bon kla dilanti, kon amplio e sektor 

den farándula aki na Kòrsou ta, manera p.e. dj-nan, trahadornan den restorant, kafé, hotèl, promotornan, doñonan di empresanan di horeca, i músikonan di tur género i estilo.

 

Direktiva di Amak ke bolbe enfatisá, di ta sumamente agradisido, na Ministernan dr. Steven Martina, Mr.Quincy Girigorie i nan funshonarionan di Meo, Polis i GMN, pa nan disponibildat pa huntu ku e komishon KIF, yega na palabrashonnan, pa habri e sektor farandulero den fase konforme kondishonnan realistiko i reponsabel.

Naturalmente e “Tim di Krisis” lo bai hasi un evaluashon interno, pa por yega na un desishon definitivo.

 

Amak ta hasi un apelashon na tur e empresanan di horeca, pa por fabor  

mantené na e reglanan di aglomershon manera stipulá pa gobièrnu, pa evitá ku e virus ta sigui plama, i ku por tin konsekuensia ku lo tuma mas medida.

 

Nos ke hasi un apelashon tambe na nos artistanan, pa kaminda por, nan tambe yuda na konsientisashon di e pùbliko ku ta presente na e aktividatnan farandulero.

Ban spera ku e virus di Covid-19 aki pronto lo por keda dominá pa medio di un vacuna, pa e pas i trankilidat por reina atrobe den kada kas di famia.

Finalmente, Amak ta masha agradesido na tur esnan ku di un o otro forma kier, o ta dunando un kontribushon, pa mundu artístiko por kuminsá funshoná den un forma responsabel, mas pronto posibel, i di e forma ey tambe duna un kontribushon na kresementu di nos ekonomia.

 

Na nòmber di direktiva di Amak

19  di òktober 2020     

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: