KOMUNIKADO DI KUERPO POLISIAL KÒRSOU Kaso di hogamentu. Ta trata di e hòmber Edson Theodor Bregita

KOMUNIKADO DI PRENSA 415 / 2020
21 òktober 2020
Kaso di hogamentu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 20 di òktober 2020 alrededor di 19.45’or, Sentral di Polis a risibí informashon ku
tabatin un boto riba laman ku tabatin problema pa yega tera.
Na yegada di e unidat di Barber na Playa Piskadó (Westpunt) nan a bin topa un hòmber den
awa i ku personanan den besindario tabata trata na tres’e kantu.
Debí na e laman brutu i olanan grandi, esaki tabata bai ku hopi difikultat.
Finalmente a logra di saka e víktima for di den awa.
Ambulans ku entre tantu a yega na e sitio, a kuminsá ku reanimashon di e hòmber aki, pero
sin resultado satisfaktorio.
For di investigashon preliminar a sali na kla ku probablemente dos hòmber entre kua e
víktima a bai piska i na momentu ku nan tabata yega kantu, nan a kontra difikultat ku e
boto.
Pa e motibu aki nan mester a wòrdu reskatá dor di otro personanan.
Na momentu ku e víktima a bula na awa pa bini kantu, el a hañ’e ku komplikashon ku a
pone ku el a guli hopi awa i hoga.
Ta trata di e hòmber Edson Theodor Bregita, nase na Kòrsou dia 7 di desèmber 1971.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: