Sin union tur koro koro lo seka Calmes:”Mi ta kontentu di mira farandula lokal forma e moketa di union”

 

Sin union tur koro koro lo seka

Calmes:”Mi ta kontentu di mira farandula lokal forma e moketa di union”

Willemstad- “Sin union tur koro koro lo seka” Tambu i aginaldo tabata e prome viktimanan. Farandula i kultura a wòrdu mitar sensurá den un tiru. Na hulandes nan ta bisabu: “twee vliegers in één klap.” Awor ta sobrá su turno. Pandemia a bira e ekskusa pa logra tur otro meta.  Segun Parlamentario Calmes: “mi ta sali pa e promotor, artista, músiko, DJ, komediante, instaladó di zonido, tekniko, manehadó di stage, prensa ku ta haña entrada via propaganda i asta e fanatikonan”. Ta hinter un industria. Na komienso di e pandemia, gobiernu di Kòrsou a para farandula di Kòrsou komo prekoushon. Tambe a sera frontera, skol i aktividatnan deportivo. Sinembargo awe kasi tur por a haña oportunidat pa sigui move, pero bou di sierto akuerdonan. Sinembargo e mundu di farandula for di kua hopi mama i tata di famia ta biba i gana algu pa nan famia sobrebibi si a keda meskos. Intentonan hasi dor di AMAK i otro gruponan aserkando gobiernu te ku awe a resulta enbano. Na otro partinan di mundu nos por a mira ku tin komprondementu di e importansia di e industria di farandula. Aki na Korsou Farandula lokal ta morto. Asta na aruba kaminda e sifranan di pandemia ta astronómiko mes a slèk un tiki pa farandula lokal por move.

Segun Calmes: “Awe nos hòfinan ta hasi falta!”
Nan a sera nos hòfinan, pero awe nan si ta baila disfrutá na beach(playa) i cafe nan, Kòrsou 2020. Sin kita for di e seriedat di pandemia, aplikando tapa boka i distansia sosial, Calmes ta di opinion: hasiendo sierto ahustenan i yegando na palabrashon ku e aktornan den farandula di Kòrsou, mester por laga e mundu di farandula tambe kuminsa move. Kisas ta momentu pa duna pèrmit pa organisá por ehèmpel fiesta den hòfi òf otro sitionan habrí pa un temporada. Promotornan enbes di bende karchi, por parti e sitio den hòkinan ku ta kumpli ku distansia sosial i bende esakinan adelantá. Asina tur hende tin su sitio adelantá kumprá den un aktividat di farándula. Bo ta baila den bo hòki. Preis por varia di hòki bashi te ku hòki ku “staande tafel” Distansia sosial pa e artista no ta un problema, e instaladó di zonido i manehadó di stage lo sòru pa esaki. Kisas e lo kost’e algun meter èxtra di waya. Pero no lubidá ku teknologia tin kasi tur kos “wireless”. Inkluso e tékniko awendia ta kana ku un iPad. Tin tur oportunidat pa krea un dimenshon nobo den e mundu di farándula. Calmes: “habri boso mente.” Asta e fanátiko ta kumpra paña pa asisití na e aktividat. Pues e pakus tambe ta haña un bida. Farándula tambe ta un ehèmpel klave ku ta ilustrá kon Kòrsou su ekonomia ta drai. E sèn ta pasa di man pa man.

This site uses Akismet to reduce spam. Learn how your comment data is processed.

error: Content is protected !!
%d bloggers like this: