SENTRO DI BARIO SOUAX ENTRANTE NOVÈMBER 2020 ku LÈSNAN di TROMBÓN, TRE i PERKUSHON

SENTRO DI BARIO SOUAX ENTRANTE NOVÈMBER 2020 ku LÈSNAN di TROMBÓN, TRE i PERKUSHON

Fundashon Pro Souax ta anunsiá ampliashon di e kantidat di instrumentonan musikal ku interesadonan por sigui kurso di dje  na Souax Music School.
E skol di músika di Sentro di bario Souax, djamars 3 di novèmber próksimo ta kuminsá ku lès di trombón pa mucha i adulto i lès di tre pa adulto i djárason 4 di novèmber lo kuminsá ku lès di perkushon pa mucha i adulto. Instruktor pa e lèsnan di trombón i tre ta e konosido músiko sr.Leo Martis mientras ku e lèsnan di perkushon lo ta na enkargo di otro konosido músiko esta sr.Roy Stephens. Dia i orario di lès di perkushon ta tur djárason 5or pa 6or pa mucha i 6or pa 7or pa adulto. Lès di trombón pa mucha ta tur djamars di mitar di 5 pa mitar di 6; pa adulto di mitar di 6 pa mitar di 7. Lès di tre pa adulto ta tur djamars di mitar di 7 pa mitar di 8.
Aparte di e lèsnan di músika ku ta bai kuminsá, na Souax Music School interesadonan ya pa años por haña según nesesidat i deseo individual òf di grupo lès di: kanto, kuarta, kitara i bas serka instruktor sr. Romeo Heije òf di keyboard serka instruktor sr. Eddie Mar. Tur lèsnan na Souax Music School lo tuma lugá konforme e reglanan di e normal nobo.
Pa mas informashon òf inskripshon por tuma kontakto ku Sentro di bario Souax di e siguiente forma:
– bèl: 868-8170 òf 522-8170
– bèl òf app: 561-2832
– mail: fundashonprosouax@gmail.com